UCHOMAJI MISITU NA MASHAMBA

                                               

                                                           Stella Mwaikusa

                

                     UCHOMAJI WA MASHAMBA KWA MAANDALIZI YA KILIMO

Kumekuwa na kasumba ya baadhi ya wakazi wa vijiji vya Luwe, Mkongo, nyaminywiri  wilayani Rufiji  wamekuwa wakichoma misitu kwa ajili ya kufukuza wanyama na kufanya maeneo hayo kuwa safi na wakati mwingine wamekuwa wakiandaa mashamba kwa kuchoma moto kwa lengo hilohilo la kusafisha.

Mara nyingi moto unaowashwa kwa ajili shughuli hiyo  hauishii sehemu ambayo mhusika alikusudia kwani husambaa na kusababisha mazao mengine kama Miti ya miembe, Mikorosho, migomba na kitu chochote kitakachokuwa karibu  na mashamba au msitu basi kitapitiwa na moto huo.

Nilipojaribu kumuuliza mkazi mmoja wa kijiji cha nyaminywiri Said Mkumba aliniambia kuwa hiyo ni kawaida ya baadhi ya wakazi wa kijiji hicho kuchoma moto kila wanapoona msitu unakuwa mkubwa na wengine wanaona raha tu wanapoona moto unawaka na kuenea maeneo mbalimbali

“Huku kwetu ni jambo la kawaida hasa kipindi cha kuandaa mashamba wakulima hutumia njia ya kuchoma moto mashamba ili kuwarahishia  kazi ya kutoa majani” anaeleza saidi na kuongeza kuwa moto unapoenea na kuingia sehemu isiyokusudiwa basi inaeleweka tu kuwa ni bahati mbaya.